Би зоригтой гэдэг мөртлөө
Тас харанхуйд байхаас айдаг
Би бардам гэдэг мөртлөө
Дан хайрын өмнө өвдөг сөхөрдөг
Би ганцаараа байх дуртай гэдэг ч
Ганцаардалд автахаас үхтэлээ айдаг
Би аз жаргалтай байна гэдэг ч
Гагцхүү түүнийг л байнга хайдаг
Би үхмээр байна гэж хэлдэг ч
Үнэндээ амьдралд дэндүү хайртай
Би өчигдөр үзэн ядлаа гэдэг ч
Өнөөдөр болоход мартдаг гайтай
Би итгэл дүүрэн инээмсэглэдэг ч
Эргэж хараад нулимсаа арчдаг
Би эхлэл бүхэн төгсгөлтэй гэдэг ч
Эцэс нь ирэхэд эвлэрэхгүй аашилдаг
Би үнэн үгээр зэвсэглэн
Худал хуурмагаа далдлах “худалч”
Би үхэн үхэтлээ зөрчилдөн
Өөртэйгөө дайсагнах “тэмцэгч”.
