Догдлох зүрхийг минь хүлээлтээр
Оргилох сэтгэлийг минь гунигаар
Булгилах зүрхийг минь нулимсаар
Ундрах сэтгэлийг минь ганцаардлаар сольчихоод
Хаашаа чи одсон юм бэ?
* * *
Одоо хүртэл чамд хайртай гэвэл үнэмших үү
Ондоо нэгнийг хайрлаж чадахгүй гэвэл итгэх үү
Өрөөл бусдаас чамайг харамладаг гэвэл инээх үү
Өөр хэнийг ч биш зөвхөн чамайг сонговол ирэх үү?
* * *
Хаашаа ч явалгүй дэргэд минь байж болохгүй юм уу
Хайрынхаа элчээр дутаахгүй байж чадна аа
Хэн нэгнийх биш зөвхөн минийх байж болохгүй юм уу
Хэрхэвч чамаасаа холдолгүй үүрд хайрлана аа
